“Google” 10-yillik ovozli yordamchi funksiyasini oʻchirib qoʻyadi
“Google” korporatsiyasi ishga tushirilganiga qariyb 10-yil boʻlgan ovozli yordamchi xizmatini oʻchirib qoʻyadi. Bu haqda kompaniya saytida eʼlon qilingan.
“Google Assistant” 2016-yilda paydo boʻlgan virtual ovozli yordamchi boʻlib, 2025-yil oxirigacha avval integratsiyalashgan mobil qurilmalar, jumladan, smartfon va planshetlar ustida ishlashni toʻxtatadi.
Kompaniya xizmat oʻchirilishining aniq vaqtini eʼlon qilmagan, ammo uning oʻrniga “Gemini” chat-boti kelishi maʼlum.
Hozirda ovozli yordamchi fotosuratlarni qidirish, real vaqtda xorijiy nutqni tarjima qilish va ob-havo maʼlumotlarini taqdim etish kabi harakatlarni bajarmay qoʻygan.
Taʼkidlash joiz, 2024-yil fevral oyida “Microsoft” Android foydalanuvchilariga “Google Assistant”ni “Copilot”ga almashtirish imkoniyatini taklif qilgandi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring