Foto: Akmal Muhammadov / “Xalq soʻzi”

Irrigatsiya va suv muammolari ilmiy-tadqiqot institutining 100 yilligi munosabati bilan institutda “Markaziy Osiyoning global ekologik va suv muammolarini hal qilishda ilmiy yondashuvlar” mavzusida xalqaro ilmiy-amaliy konferensiya oʻtkazildi.

Xalqaro ilmiy-amaliy konferensiyada sohaga aloqador vazirlik idoralar rahbarlari hamda 20 dan ortiq xorijiy davlatlardan suv masalalari boʻyicha olim va ekspertlar ishtirok etishdi.

Anjumanda “Transchegaraviy hamkorlik, energiya va suv resurslaridan samarali foydalanishning ilmiy-amaliy yechimlari”, “Suv tejovchi sugʻorish texnologiyalarida samaradorlik va ilmiy yondashuvlar”, “Suv xoʻjaligida islohotlar, innovatsiya va raqamli texnologiyalarning ahamiyati” va “Iqlim oʻzgarishi sharoitida sugʻoriladigan yerlarning meliorativ holatini yaxshilashning ilmiy asoslari” mavzularida maʼruzalar tinglandi.

Oʻzbekiston Respublikasi Suv xoʻjaligi vazirligi va ilmiy jamoatchilik tomonidan suv xoʻjaligi sohasida koʻp yillik mehnatlari va sohani ilmiy-innovatsion rivojlanishiga qoʻshga katta hissasi uchun qator olim hamda mutaxassislar munosib taqdirlandi.