Gimnastikachilar jahon chempionatiga yoʻl olishdi
Shu yilning 29-oktyabr — 6-noyabr kunlari Angliyaning Liverpul shahrida sport gimnastikasi boʻyicha jahon chempionati boʻlib oʻtadi.
Unda jamoaviy yoʻnalishda Parij-2024 Olimpiadasi uchun yoʻllanmalar oʻynaladi. Boʻlajak dunyo birinchiligida ishtirok etadigan Oʻzbekiston terma jamoasi bugun “Tumanli Albion”ga joʻnab ketdi.
Maʼlum qilganimizdek, jamoa Gruziyaning Tbilisi shahrida soʻnggi oʻquv-mashgʻulot yigʻinini olib borgach ushbu shahardan Liverpulga yoʻl oldi. Ahamiyatlisi, tarkibda tajribali Oksana Chusovitina yoʻq. Dunyo birinchiligida qatnashadigan tarkib quyidagicha:
— Rasuljon Abdurahimov
— Abdulla Azimov
— Oʻtkirbek Joʻrayev
— Habibullo Ergashev
— Dildora Aripova
— Ominaxon Halilova.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring