Fargʻonada qator tayinlovlar amalga oshirildi
— Sherzod Rahimov Fargʻona viloyati hokimining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosari etib tayinlandi. Bungacha u Oliy Majlis Qonunchilik palatasi Agrar va suv xoʻjaligi masalalari qoʻmitasi aʼzosi sifatida faoliyat yuritgan.
— Bobur Primqulov Fargʻona viloyati sogʻliqni saqlash boshqarmasi boshligʻi etib tayinlandi. Bungacha u Respublika ixtisoslashtirilgan onkologiya va radiologiya ilmiy-amaliy tibbiyot markazi Fargʻona viloyat filiali direktori edi.
— Maxsudali Saydullayev Fargʻona viloyati Kambagʻallikni qisqartirish va bandlik bosh boshqarmasi boshligʻi lavozimiga tayinlandi. Tayinlovga qadar u Fargʻona viloyati hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari kotibiyati mudiri lavozimida ishlagan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring