Meta kompaniyasi Facebook suratlar va videokontentdagi yuzlarni tanib olish funksiyasidan voz kechishini aytdi. Uni qoʻllash qoʻshimcha muhokama va aniq tartibga solishni talab qiladi.

Oʻzgartirishlar kiritilganidan soʻng, avval ijtimoiy tarmoqda yuzni tanish funksiyasiga ruxsat bergan foydalanuvchilar endi identifikatsiya qilinmaydi va boshqa odamlarning suratlari va videolarida paydo boʻlishi haqida xabardor qilinadi. Facebook hisob-kitoblariga koʻra, ushbu xizmatdan akkauntlarning uchdan bir qismi foydalanadi va uni oʻchirib qoʻyish milliarddan ortiq “yuzni tanib olishning maxsus shablonlari”ni olib tashlaydi.

«Har qanday yangi texnologiya ham foyda, ham tashvish keltiradi va biz toʻgʻri muvozanatni topmoqchimiz. Yuzni tanib olish masalasini bundan eng koʻp zarar koʻrganlar tomonidan uzoqroq va ochiqroq muhokama qilish kerak. Biz ushbu jarayonda yetakchi fuqarolik jamiyati va tartibga soluvchi organlar bilan munozaralar olib borishda va ishlashda davom etamiz, — deyiladi kompaniya xabarida.

Shu bilan birga, kompaniya ushbu texnologiyadan “shaxsning yuzini tanib olishga ruxsat berilganida uning shaffofligi va nazoratini taʼminlash” mumkin boʻlgan ilovalarda foydalanish ustida ishlashni davom ettiradi.

“Bugun eʼlon qilingan oʻzgarishlar kompaniyaning shaxsiy identifikatsiyaning torroq shakllari foydasiga ommaviy identifikatsiyalash usullaridan voz kechganini anglatadi”, dedi Meta.