Yetti kunlik farzandini pullamoqchi boʻlgan ona 3-yilga qamaldi
Surxondaryo viloyati Jarqoʻrgʻon tumanida dunyoga kelganiga bor-yoʻgʻi yetti kun boʻlgan farzandini sotmoqchi boʻlgan ona qoʻlga olindi. Bu haqda “Millar” dasturida maʼlum qilingan.
Xabarga koʻra, olti nafar farzandning onasi boʻlgan 36 yoshli ayol chaqalogʻini sotish orqali pul orttirmoqchi boʻlgan. Ona oʻz bolasi evaziga 62 million soʻm pullarni olayotgan vaqtida ashyoviy dalillar bilan qoʻlga olindi.
Sud fuqaroni Jinoyat kodeksining 135-moddasi 3-qismi “A” bandi (Oʻn sakkiz yoshga toʻlmaganligi aybdorga ayon boʻlgan shaxsga nisbatan sodir etilgan odam savdosi) bilan aybdor deb topib, 3-yil muddatga ozodlikdan mahrum qilish jazosi tayinladi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring