Eronning “Qeshm Air” aviakompaniyasi Oʻzbekistonga muntazam reyslarni yoʻlga qoʻydi
22-dekabr kuni mahalliy vaqt bilan soat 12:53da Eronning “Qeshm Air” aviakompaniyasining samolyoti Toshkent xalqaro aeroportiga kelib qoʻndi.
Tehron — Toshkent — Olma-Ota — Tehron yoʻnalishi boʻyicha uchgan Airbus A300-600 borti anʼanaviy tarzda suv arkasi bilan kutib olindi.
Muntazam reyslar haftada bir marta — payshanba kunlari amalga oshirilishi rejalashtirilgan.
Qeshm Air — shtab-kvartirasi Tehronda joylashgan, 1993-yilda tashkil etilgan Eron aviakompaniyasi boʻlib, mahalliy va xalqaro yoʻlovchi reyslarini, shuningdek, charter reyslarini amalga oshiradi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring