— Jon Xopkins universiteti bergan maʼlumotlarga koʻra, dunyo boʻyicha koronavirusga chalinganlar soni 1 920 985 nafarga yetdi, 119 686 kishi vafot etgan. Universitet bundan oldin virusni yuqtirganlar sonini 2 mln. deb xabar bergandi.

— Rossiyaning oʻndan ortiq fuqarosi Xitoy janubidagi Guandun provinsiyasida koronavirus bilan kasallanganlar bilan muomalada boʻlgani uchun karantinga joylashtirildi.

— Xitoyda oʻtgan sutka davomida hech kim koronavirusdan vafot etmadi.

— Janubiy Koreyada COVID-19dan sogʻayganlar soni 7534 kishiga yetdi.

— Ispaniyada cheklovlar qisman bekor qilingani uchun qariyb 300 mingga yaqin odam ishiga qaytdi.

— AQSHda koronavirus tufayli cheklovlarni olib tashlash boʻyicha rejani ishlab chiqish yakuniga yetyapti. Tramp mamlakatda epidemiya choʻqqisi ortda qolganini maʼlum qildi.

— Hindistonda koronavirusga chalinganlar soni 10 mingdan oshib ketdi, umumxalq karantini 3-mayga qadar uzaytirildi.

— Turkiya parlamenti qamoqxonalarda koronavirus tarqalishi xavfi bois bir guruh mahbuslarni vaqtincha ozod qilish toʻgʻrisidagi qarorni maʼqulladi.

— OAV xabariga koʻra, Braziliyada bir necha nafar bemor hayotdan koʻz yumgani tufayli koronavirusga qarshi dori vositasi boʻyicha tadqiqotlar toʻxtatildi. Sinov paytida 11 kishi vafot etgan.