— Jon Xopkins universiteti bergan maʼlumotlarga koʻra, dunyo boʻyicha koronavirusga chalinganlar soni 1,94 mln. nafardan oshdi, 123 ming bemor vafot etgan, 465 ming inson sogʻaygan.

Yevropada:

— Italiyada oy davomida ilk bor bir kunda koronavirus bilan kasallanganlar soni 3 ming nafarga yetmadi. Umuman olganda, mamlakatda 162 ming kishi virusni yuqtirgan boʻlsa, 21 ming odam vafot etdi.

— Daniya asta-sekinlik bilan odatiy hayot rejimiga qaytmoqda. Hukumat muddatidan oldin cheklov choralarini bekor qilmoqchi.

— Ispaniyada qurbonlar soni 18 ming nafardan oshdi, hammasi boʻlib 172 ming odam virusga chalingan.

— Buyuk Britaniyada COVID-19dan halok boʻlganlar soni 12 ming nafardan ziyodni tashkil etmoqda. Daily Mail nashriga koʻra, mamlakatdagi shifokorlarning uchdan bir qismi virusni yuqtirib olgan.

— Fransiya moliya vazirligi maʼlumotiga qaraganda, mamlakat iqtisodiyotida 8 foizlik tushish kutilyapti, u yerda qariyb 138 ming kishi infeksiyaga chalingan, deyarli 15 ming bemor dunyodan koʻz yumgan.

AQSH va Kanadada:

— Nyu-York meri sunʼiy nafas oldirish apparatiga ulangan bemorlar soni koʻpayganini maʼlum qildi. Ayni chogʻda ikki kun davomida koronavirusga chalinish bilan bogʻliq yangi holatlarning kunlik oʻsishi kamaygan.

— Nyu-York shtatida koronavirus tarqalishi oʻzining choʻqqisiga chiqdi. Biroq COVID-19 bilan ogʻrigan bemorlarni shifoxonaga yotqizish boʻyicha uch kunlik oʻrtacha koʻrsatkich pasaygan.

— AQSHda hammasi boʻlib infeksiyaga chalinganlar soni 584 mingdan oshib ketdi.

— Kanadada bir kunda bemorlar soni 1315 nafarga koʻpayib, jami 25 680 nafarga yetdi.

Boshqa davlatlarda:

— Gruziyada favqulodda holat rejimi 10-mayga qadar uzaytirildi.

— Eronda bir oyda ilk bor bir kunda 100 nafardan kam inson dunyoda koʻz yumdi.

— Hindiston yaqin kunlar ichida cheklov qoidalarini yumshatishni boshlamoqchi.

— Qariyb 6 mln. kanadalik hukumatdan moliyaviy yordam olish uchun ariza berdi.