Foto: Milliy olimpiya qoʻmitasi

Tailandda slalom bahslaridan soʻng baydarka va kanoe boʻyicha Osiyo chempionatiga start berildi. Quvonarlisi, sportchilarimiz birinchi kun bahslarida 5 ta oltin, 5 ta kumush va 1 ta bronza, jami 11 ta medal qoʻlga kiritishdi.

Musobaqa yoshlar va kattalar oʻrtasida oʻtkazilmoqda. Buenos-Ayres-2018 oʻsmirlar Olimpiadasi chempioni Gulbahor Fayziyeva kattalar toifasida ham oʻzining nimalarga qodir ekanini yana bir karra koʻrsatib, qitʼa birinchiligining oltin medaliga sazovor boʻldi. Shuningdek, jamoamiz gʻaznasiga yana 4 ta oltin medalni yoshlarimiz taqdim qilishdi. Bugungi kun qahramonlari:

Kattalar, oltin medal:
S-1: Gulbahor Fayziyeva

Kumush medal:
K-1: Shaxriyor Mahkamov
K-2: Shohruhbek Azamov va Samandar Haydarov
K-4: Kamila Malaxova, Yuliya Borzova, Yekatirina Shubina, Arina Tanatmisheva

Bronza medal:
S-1: Nurislom Toʻxtasin oʻgʻli

Yoshlar, oltin medal:
K-1: Akmal Mirzayev
K-1: Kseniya Ivliyeva
S-1: Muhammadali Mirismanov
S-2: Kamoliddin Rahmatullayev va Azimjon Sotiboldiyev

Kumush medal:
S-1: Shohsanam Sherzodova
K-4: Ibratbek Ergashev, Abdusalom Normirzayev, Akmal Mirzayev va Sergey Slepov.

Maʼlumot uchun, barcha yoʻnalishlar 1000 metr masofaga oʻtkazildi. Yoshlar toifasi 18 yoshgacha boʻlgan sportchilar oʻrtasida tashkil etildi.