Foto: KCNA

Vashington Koreya Xalq Demokratik Respublikasi (KXDR) qitʼalararo ballistik raketalarning yangi sinovini keskin va jiddiy eskalatsiya, deb hisoblaydi.

AQSH Davlat departamenti matbuot xizmati rahbari Ned Praysning aytishicha, Vashington KXDRda yangi yadro yoki qitʼalararo ballistik raketa sinovini keskinlikning jiddiy kuchayishi va provokatsiya sifatida baholaydi.

“Qitʼalararo ballistik raketa sinovi boʻladimi yoki yadroviy sinov boʻladimi, bu Qoʻshma Shtatlar oʻta jiddiy qabul qiladigan muhim, keskin va oʻta jiddiy eskalatsiya boʻladi”, deydi Prays.

Avvalroq, KXDR yetakchisi Kim Chen In respublikaning maqsadi dunyodagi eng qudratli strategik yadroviy kuchlarni barpo etish ekanini aytgan edi. Uning taʼkidlashicha, Pxenyan Shimoliy Koreya xalqi va davlatining qadr-qimmati va suvereniteti ishonchli himoya qilinishini taʼminlash uchun “misli koʻrilmagan mutlaq” kuchga ega boʻlishga intiladi.

Shu yilning sentyabr oyida Shimoliy Koreya rahbariyati yangi qonunni qabul qildi, ushbu hujjat agar Pxenyan muqarrar tahdid deb hisoblasa, dushmanga qarshi profilaktik yadro zarbasi berish huquqini beradi.