“Apple” kapitallashuvi 2 trln dollardan oshgan AQSHdagi birinchi kompaniyaga aylandi
AQSHning “Apple” kompaniyasining kapitallashuvi 2 trln dollarlik koʻrsatkichdan oshgan.
«Interfaks» yozishicha, natijada kompaniya mamlakatdagi bunday natijaga erishgan birinchi ommaviy kompaniyaga aylangan. Shuningdek, yil boshidan buyon “Apple” aksiyalari 60 foizga qimmatlashgan. Yaʼni, fevral-mart oylarida koronavirus pandemiyasi tufayli qimmatli qogʻozlar narxi keskin pasayib ketgan boʻlishiga qaramay, oʻsishda davom etgan va qiymati ikki baravar oshgan.
Masalan, 19-avgust, chorshanba kuni boʻlib oʻtgan savdo jarayonida “iPhone” ishlab chiqaruvchisining aksiyasi 468,09 dollardan sotilgan. Ikki yil oldin “Apple” kapitallashuvi trillion dollardan oshgan AQSHdagi birinchi kompaniya boʻlgan edi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring