Hukumat kuchlari yuzdan ortiq jangarini yo‘q qildi
Kuni kecha Afg‘onistonning Paktiya muzofotida ikkita tozalash operatsiyasi o‘tkazildi. Oqibatda “Tolibon” harakatining o‘nlab jangarilari yo‘q qilindi, deb xabar berdi Afg‘on telegraf agentligi.
Harbiy harakatlar havo kuchlari qo‘llab-quvvatlashi ostida amalga oshirildi. Ahmadobod tumanidagi amaliyotlarda 55 nafar tolib, jumladan, ularning qo‘mondonlari o‘ldirilgan, o‘nlab jangarilar yaralangan.
Hukumat kuchlari, shuningdek, muxolifatga tegishli bo‘lgan katta miqdordagi qurol-yarog‘lar va o‘q-dorilarni ham yo‘q qilgan.
Ikkinchi tozalash ishlari Zurmat tumanida o‘tkazildi. U yerda 64 nafar “Tolibon” o‘ldirilgan. Ularning ichida ushbu hudud jinoyat olami yetakchisi Ayub va ismi aytilmagan yana bir dala qo‘mondoni bor, deb xabar berdi “Tolo News”.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring