3 yoshgacha bolasi bor ayollarni ishdan boʻshatishga ruxsat berilmoqda
Foto: Illustrativ foto
Yangi Mehnat kodeksiga koʻra, 3 yoshgacha bolasi bor ayol yoxud 3 yoshgacha boʻlgan bolani yolgʻiz tarbiyalayotgan ota (vasiy) bilan mehnat shartnomasini ish beruvchining tashabbusiga koʻra quyidagi asoslar boʻyicha bekor qilishga yoʻl qoʻyiladi:
— tashkilot (uning alohida boʻlinmasi) oʻz muassislarining (ishtirokchilarining) yoki taʼsis hujjatlari bilan bunga vakolat berilgan yuridik shaxs organining qarori bilan tugatilganligi yoxud yakka tartibdagi tadbirkor tomonidan faoliyatning tugatilganligi;
— xodimning oʻz mehnat majburiyatlarini muntazam ravishda buzganligi;
— xodimning oʻz mehnat majburiyatlarini bir marta qoʻpol ravishda buzganligi.
Amaldagi tartibga koʻra, 3 yoshga toʻlmagan bolasi bor ayollar bilan tuzilgan mehnat shartnomasini ish beruvchining tashabbusi bilan bekor qilishga yoʻl qoʻyilmaydi, korxonaning butunlay tugatilish hollari bundan mustasno.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring