Harakatlar strategiyasi  doirasida sogʻliqni saqlash sohasidagi islohotlar samaradorligini oshirish hamda tibbiyot xodimlarining moddiy ahvolini yaxshilash maqsadida shifokorlarning oʻrtacha oylik maoshi 984 ming soʻmdan 3 283 ming soʻmga, hamshiralarning oʻrtacha oylik maoshi esa 602 ming soʻmdan 2 009 ming soʻmga oshirildi.

2017–2021-yillarda bolalarni maktabgacha taʼlim bilan qamrab olish koʻrsatgichi 67 foizga yetkazildi.

Harakatlar strategiyasi doirasida bolalarni maktabgacha taʼlim bilan qamrab olish darajasi 2017-yilgi 27,7 foizdan, 2021-yilda 67 foizga yetkazildi. Shuningdek, 5 188 ta majburiy bepul bir yillik, 7 164 ta qisqa muddatli, 10 955 ta toʻliq kunlik tayyorlov guruhlari tashkil etilib, 566 ming nafar 6 yoshli bolalar maktabgacha taʼlim bilan qamrab olindi.

2017–2021-yillarda aholi jon boshiga YAIM 2,7 foizdan 5,3 foizga oʻsdi.

Harakatlar strategiyasi doirasida amalga oshirilgan iqtisodiy islohotlar natijasida aholi jon boshiga YAIMning ulushi 2017-yilgi 2,7 foizdan, 2021-yilga kelib 5,3 foizga yetdi. Shuningdek, Jahon bankining prognozlariga muvofiq, 2022-2023-yillarda Oʻzbekiston Yevropa va Markaziy Osiyo mintaqasidagi yuqori iqtisodiy oʻsishi kutilayotgan yetakchi davlat sifatida qayd etildi.