1-sinf oʻquvchilari fevral oyida qoʻshimcha bir haftalik taʼtilga chiqadi
Arxiv surat
1-sinf oʻquvchilarining fevralda qoʻshimcha taʼtilga chiqishi maktablar maʼmuriyati tomonidan belgilanadi, deb xabar bermoqda Toshkent shahar hokimligi.
Qayd etilishicha, Vazirlar Mahkamasining 2017-yil 15-martdagi 140-sonli qarori bilan tasdiqlangan Nizom talablariga koʻra, umumiy oʻrta taʼlim muassasalarida 1-sinf oʻquvchilariga qoʻshimcha taʼtil berilishi lozim.
Xususan, 1-sinf oʻquvchilari fevral oyi davomida qoʻshimcha bir haftalik taʼtilga chiqishlari koʻzda tutilgan.
Bildirilishicha, taʼtil fevral oyining aynan qaysi kunlariga toʻgʻri kelishi har bir maktab maʼmuriyati tomonidan mustaqil ravishda belgilanadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring