Turkmaniston prezidenti oʻgʻlini vazir etib tayinladi
7-fevral kuni Turkmaniston prezidenti Gurbanguli Berdimuhamedov oʻgʻli Serdar Berdimuhamedovni sanoat va qurilish vaziri etib tayinladi. Bu haqda “Xroniki Turkmenistana” xabar berdi.
Prezident farmoni bilan kichik Berdimuhamedov 2019-yilning iyunidan beri egallab kelayotgan Axal viloyati hokimi lavozimidan ozod etildi.
Serdar rahbarligi ostida Axal viloyati Turkmanistonning birinchi raqamli hududiga aylandi, shuningdek, 2019-yilgi paxta mavsumida rejani birinchi boʻlib bajardi.
Bunga qadar Serdar Berdimuhamedov Axal viloyati hokimi oʻrinbosari, tashqi ishlar vaziri oʻrinbosari lavozimlarida ishlagan. Shuningdek, u Turkmaniston parlamenti deputati ham hisoblanadi.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring