Жароҳат-ку битиб кетар, аммо...
Иллюстратив фото
Кеча Тошкент вилоятининг Оҳангарон шаҳрида яшовчи Г.И. (исмли аёл) уйида меҳмонда бўлган таниши Ж.Б.га маст ҳолда ўзаро жанжал сабабли пичоқ билан жароҳат етказган. Натижада Ж.Б. касалхонага ётқизилган, Г.И. эса қўлга олинган.
Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси маълум қилди.
Шунингдек, 2019 йил 5 январь куни Тошкент шаҳри, Чилонзор туманида яшовчи А.Т. Қашқадарё вилоятининг Чироқчи тумани, Мустақиллик кўчасида ўзаро жанжал туфайли “Кишмиштепа” МФЙда яшовчи 19 ёшли И.Э.га пичоқ билан жароҳат етказган. Оқибатда И.Э. касалхонага, А.Т. қамоқхонага равона бўлган.
Айни пайтда мазкур ҳолатлар юзасидан жиноят иши қўзғатилиб, тергов ҳаракатлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг