Иллюстратив фото

Бу ҳақда Давлат соли қўмитаси матбоут хизмати хабар бермоқда.

Маълумотга кўра, Электрон ҳисобварақ-фактура (ЭҲФ)да қуйидаги позициялардаги МХИКлар бўйича юк ташиш хизматлари учун «тонна-километр» ўлчов бирлигидан фойдаланиш қуйидаги тартибда  жорий этилган:

10102001-Сув транспортида юкларни ташиш хизмати

10103003-Ҳаво транспортида юкларни ташиш хизмати

10107002-Автомобиль транспортида юкларни ташиш хизмати

10108002-Темир йўл транспортида юкларни ташиш хизмати

Мазкур ўлчов бирлиги 1 тонна юкни 1 км масофага ташиш (етказиш) учун хизматнинг нархини белгилайди.

Мисол учун: Тадбиркорлик субъекти томонидан 50 тонна юк 20 км масофага ташиб (етказиб) берилган бўлса, у ҳолда юк ташиш хизмати ўлчов бирлиги сифатида тонна-километр танланади ва маҳсулот миқдорига 1 000 (50 * 20) киритилади.

Таъкидлаш лозим, бунга қадар, ЭҲФда юк ташиш хизматлари учун «Хизмат (сўм)” ҳамда «Бошқа» ўлчов бирликларидан фойдаланиб, миқдори «1» сифатида кўрсатиб келинган.

Қайд этилган МХИКлар бўйича ЭҲФ тўлдиришда «Миқдор» катакчасига «1» белгилаб, «Нархи» катакчасига бутун ташиш хизмати қийматини киритиш мумкин эмас (агар ҳақиқатда ташилган юк оғирлиги ва масофа кўпайтмаси 1 тонна-километрни ташкил этмаса)

Юқоридагилардан келиб чиқиб, электрон ҳисобварақ-фактура (ЭҲФ)да юк ташиш хизматлари учун «тонна-километр» ўлчов бирлигидан фойдаланиш тавсия этилади.

Шунингдек, «тескари ҳисоб» функцияси фаоллаштирилганда юк ташиш миқдори ва етказиб бериш қийматини киритиш орқали 1 тонна-километр учун хизмат нархи автоматик шаклланади.