«Ёрқин келажак эшикларини очувчи калит»... Президент мактаблари ҳақида Англияда мақола чоп этилди
Фото: cambridge.org
"Cambridge Assessment International Eduсation" ташкилотининг расмий веб-сайтида Президент таълим муассасалари агентлиги тизимидаги Президент мактаблари ҳамда иқтидорли ўқувчилар ҳақида мақола чоп этилди.
Мақолада Президент мактабларининг Ўзбекистонда таълим тизимини ўзгартириш учун имкониятлари қайд этилган.
Унда Самарқанд, Бухоро, Гулистон ва Тошкент шаҳарларидаги Президент мактаблари ҳақида сўз юритилади. Шунингдек Президент мактабларига қабул имтиҳонлари, кун тартиби, ўқув дастури ва ўқувчиларнинг бўш вақтида шуғулланадиган машғулотлари ҳақида фикр билдирилган.
Ўқувчилардан ўзи ўқиётган мактабни бир сўз билан таърифлаш сўралганда «Ёрқин келажак эшикларини очувчи калит», «Орзуга йўл» дея жавоб беришган...
Мақолада Ўзбекистоннинг буюк тарихи, хусусан, Темурий ҳукмдор Мирзо Улуғбекнинг Самарқандни фан ва илм марказига айлантирганлиги ва ҳозир ҳам – орадан қарийб 600 йил ўтиб Ўзбекистоннинг тараққиёти йўлида яна ана шундай улкан ишлар амалга ошираётганлиги ҳақида сўз юритилган.
Мақола билан қуйидаги линк орқали батафсил танишиш мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг