Янги боғча фойдаланишга топширилди
Жаҳонгир БОЙМУРОДОВ/«Халқ сўзи». Ғузор туманидаги Халқобод маҳалласида тадбиркор томонидан 25 ўринли оилавий мактабгача таълим муассасаси фойдаланишга топширилди.
Шу муносабат билан ташкил этилган тадбирда туман ҳокимлиги масъуллари, ота-оналар ҳамда кенг жамоатчилик вакиллари иштирок этди.
— Бугун ота-оналарда фарзандининг яхши таълим олиши, тил ўрганишига эътибор кучайиб бормоқда, — дейди тадбиркор Элбек Хайруллаев. — Ҳозир фаолиятга малакали мутахассисларни жалб этдик. Боғчага чиқмоқчи бўлган болалар сони ортиб бормоқда. Албатта, ота-оналар ишончини оқлашга ҳаракат қиламиз.
Таъкидлаш жоиз, айни пайтда туманда 33 та давлат ҳамда 5 та давлат хусусий шерикчилиги асосидаги мактабгача таълим муассасаси фаолият юритмоқда. Оилавий боғчалар сони 212 тага етди. Ушбу боғчаларга тумандаги 3 ёшдан 7 ёшгача бўлган жами 20290 нафар боланинг 13880 нафари (68,4 фоизи) қамраб олинган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг