Yangi bogʻcha foydalanishga topshirildi
Jahongir BOYMURODOV/“Xalq soʻzi”. Gʻuzor tumanidagi Xalqobod mahallasida tadbirkor tomonidan 25 oʻrinli oilaviy maktabgacha taʼlim muassasasi foydalanishga topshirildi.
Shu munosabat bilan tashkil etilgan tadbirda tuman hokimligi masʼullari, ota-onalar hamda keng jamoatchilik vakillari ishtirok etdi.
— Bugun ota-onalarda farzandining yaxshi taʼlim olishi, til oʻrganishiga eʼtibor kuchayib bormoqda, — deydi tadbirkor Elbek Xayrullayev. — Hozir faoliyatga malakali mutaxassislarni jalb etdik. Bogʻchaga chiqmoqchi boʻlgan bolalar soni ortib bormoqda. Albatta, ota-onalar ishonchini oqlashga harakat qilamiz.
Taʼkidlash joiz, ayni paytda tumanda 33 ta davlat hamda 5 ta davlat xususiy sherikchiligi asosidagi maktabgacha taʼlim muassasasi faoliyat yuritmoqda. Oilaviy bogʻchalar soni 212 taga yetdi. Ushbu bogʻchalarga tumandagi 3 yoshdan 7 yoshgacha boʻlgan jami 20290 nafar bolaning 13880 nafari (68,4 foizi) qamrab olingan.
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring