«Windows» ўзида сунъий интеллектни мужассамлаштирган операцион тизимини ишлаб чиқмоқда
Фото: Иллюстратив фото
«Microsoft» компанияси «Windows CorePC» деб номланган янги операцион тизим лойиҳаси устида ишламоқда.
Янги операцион тизим барча қурилмаларга (компьютер, ноутбук, планшет ва мобил телефонга) мослашувчан ва ўзининг сунъий интеллектига эга бўлади.
Лойиҳада видео ва фото тасвирларни махсус қўшимча дастурларсиз сунъий интеллект ёрдамида тўғридан-тўғри кўриш ва таҳрирлаш мумкин бўлади.
Шунингдек, сунъий интеллект фойдаланувчига қидирув тизимларида ўзининг таклифларини киритади ва суратдаги ёзувларни матн кўринишига ўтказиб бера олади.
Янги операцион тизимни ташқи таъсирлардан ҳимоялаш мақсадида администратордан тизимнинг файлларини учириб юбориш ҳуқуқи олиб ташланган.
«Microsoft» ушбу лойиҳадан ташқари «Windows 10Х» ва «Windows Core OS» лойиҳаларни тугатганини маълум қилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг