Ургутлик ўқувчи 16 йилдан сўнг расман ҳужжатли бўлди
Ургут туман адлия бўлимига “Мазортепа” МФЙда яшовчи фуқаро Л.Жабборова 2006 йилда туғилган фарзандининг ҳозирги кунга қадар туғилганлиги қайд этилмаганлигини ва боланинг туғилганлик ҳақида гувоҳномаси йўқлигини билдириб, унга туғилганлик хақида гувоҳнома олишда амалий ёрдам беришни сўраб мурожаат қилди.
Л.Жабборованинг мурожаатини ўрганиш жараёнида ҳақиқатан ҳам унинг 2006 йилда туғилган ўғли номида туғилганлик ҳақида далолатнома ёзуви ФҲДЁ органларида мавжуд эмаслиги маълум бўлди.
Адлия бўлимининг саъи-ҳаракатлари билан Л.Жабборованинг 2006 йилда туғилган фарзанди А.Мўминовнинг туғилганлиги Ургут туман 1-сон ФҲДЁ бўлими томонидан расмийлаштирилиб, туғилганлик ҳақидаги далолатнома ёзуви қайд этилди.
Натижада фуқаро расман туғилганлик ҳақидаги ҳужжатга эга бўлди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг