Туркияда мактаблардаги отишмалар бўйича 80 дан ортиқ киши қўлга олинди
Туркиянинг Қаҳрамонмараш ва Шанлиурфа шаҳарларидаги мактабларда юз берган отишмалар бўйича олиб борилаётган тергов доирасида 80 дан ортиқ киши қўлга олинди. Бу ҳақда ТАСС мамлакат Хавфсизлик бош бошқармасига таяниб хабар бермоқда.
«Прокуратура органлари томонидан Шанлиурфа ва Қаҳрамонмарашдаги мактабларга қилинган ҳужумлар муносабати билан 83 кишини қўлга олиш тўғрисида қарор қабул қилинди. Ижтимоий тармоқлардаги 940 та аккаунтга кириш блокланди, Telegramʼдаги 93 та гуруҳ ёпилди», — дейилади хабарда.
Қайд этилишича, мамлакатдаги мактабларда хавфсизлик чоралари кучайтирилган. Эндиликда ҳар бир таълим муассасаси олдида камида икки нафар полиция ходими доимий равишда навбатчилик қилади.
Эслатиб ўтамиз, кеча Қаҳрамонмарашдаги мактаблардан бирида отишма содир бўлган ва бунинг оқибатида тўққиз киши ҳалок бўлган эди.
Сешанба куни эса Шанлиурфа вилоятидаги таълим муассасасида ҳам шунга ўхшаш ҳужум юз бериб, 16 киши жароҳатланган эди.
Тавсия этамиз
Кўп ўқилганлар
- Жавоҳир Синдоров шарафига тантанали маросим бўлиб ўтди
- Ўзбекистонда хизмат кўрсатган артист Хурсаной Умарова 86 ёшида вафот этди
- Сенатор томонидан маҳаллаларда томорқачилик ва боғдорчиликни ривожлантириш ишлари ўрганилди
- Ёш парламент аъзолари форумида барқарор тараққиёт ва глобал ҳамкорлик масалалари кўриб чиқилди
- Сенатор талаба қизлар билан давлат хизматида аёллар иштирокини кенгайтириш масаласини муҳокама қилди
- Судьялар олий кенгаши таркибини сайлаш масаласи кўриб чиқилди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг