Туркияда Исроил консуллигига қилинган ҳужум иши бўйича 11 киши қўлга олинди
Туркияда Исроилнинг Истанбулдаги консуллигига қилинган ҳужумга алоқадорликда гумон қилиниб 11 киши қўлга олинди. Бу ҳақда NTV телеканали хабар бермоқда.
Қўлга олиш амалиётлари Истанбул, Кожаэли ва Коняда ўтказилди. Бундан аввал (7 апрель куни) полиция билан отишмада яраланган икки нафар ҳужумчи қўлга олинган эди.
Эслатиб ўтамиз, сешанба куни Исроил консуллигига уч нафар қуролланган шахс ҳужум қилган. Дипломатик миссия биноси 2,5 йилдан бери ёпиқ бўлиб, унинг олдида фақат навбатчи полиция ходимлари бўлган.
Ҳужум қилганлардан бири отишма пайтида ўлдирилган. Уларнинг учаласи ҳам — Туркия фуқароларидир.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг