Тунда юз берган торнадо АҚШ шаҳрини ярмини вайрон қилди
Фото: USA Today
АҚШнинг Оклахома штатидаги Салфир шаҳрининг бир қисмини тунда юз берган торнадо оқибатида вайрон бўлди. Бу ҳақда «Washington Post» хабар бермоқда.
Нашрнинг маълум қилишича, кўплаб биноларнинг деворлари ва томлари қулаб тушган. Баъзи биноларни қайта тиклашнинг имкони йўқ. Дастлабки ҳисоб-китобларга кўра, беш мингдан ортиқ одам уй-жойидан айрилган.
Мутахассисларнинг айтишича, дам олиш кунлари Оклахомада камида 16 та торнадо қайд этилган. Яна бир нечтаси Канзаснинг жануби-шарқи ва Миссурининг шимоли-ғарбий қисмида қайд этилган.
Аввалроқ, Хитой жанубидаги Гуанчжоу шаҳрида юз берган торнадо оқибатида беш киши ҳалок бўлиб, 33 киши тан жароҳати олганди. Бундан ташқари, 140 дан ортиқ завод ва саноат бинолари зарарланган. Турар-жой биноларининг қулаши кузатилмади.
Қайд этилишича, ушбу торнадо Хитойда жорий йил бошидан бери энг кучлиси ва энг ҳалокатлиси бўлган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг