Трамп ва унинг энг яқин маслаҳатчиларидан бири коронавирусга чалинди
АҚШ президентининг энг яқин маслаҳатчиларидан бири коронавирусга чалинди, деб хабар берди Блумберг. У аёл киши.
Ушбу маслаҳатчи сешанба куни бўлиб ўтган дебатлар ҳамда чоршанба куни Миннесотада ташкил этилган митингга Трамп билан бирга борган эди. Давлат раҳбарининг ўзида касалликнинг ҳеч қандай аломатлари сезилмаган, дея қўшимча қилган ахборот агентлиги.
Трамп ҳам ёрдамчиси коронавирусга чалинганини тасдиқлаган.
У ўзи ҳамда мамлакатнинг биринчи хоними «Covid-19»га тест топширганини билдирган.
«Карантинга ўтишимиз керакми-йўқми, буни билмайман», деган Трамп.
Кейинроқ давлат раҳбари ва унинг турмуш ўртоғи таҳлил натижалари чиққунга қадар карантинга кетиши маълум бўлди.
Сўнгги маълумотларга кўра, АҚШ президенти Дональд Трампнинг ўзида ҳам коронавирус аниқланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг