Тошкентда йўл-патруль хизмати ходимлари «Matiz» русумли автомашинадан психотроп дори воситасини аниқлади
Тошкентда ЙҲХБ ходимлари «Matiz» русумли автомашинадан психотроп дори воситасини аниқлади. Бу ҳақда Йўл ҳаракати хавфсизлиги бош бошқармаси хабар берди.
Маълумотларга кўра, 11 декабрь куни соат 21:30да Бектемир тумани ҳудудида жойлашган «Бектемир» постида ҳуқуқ-тартибот идоралари ходимлари «Matiz» русумли автомашинани тўхтатган. Кўздан кечириш чоғида салонда бўлган аёлдан 3 дона «Тропикамид» психотроп дори воситалари, 3 дона «Регапен» капсулалари ва 18 дона «Карбамазепина» таблеткалари топилган.
Мазкур ҳолат юзасидан йўл ҳаракати хавфсизлиги ходимлари томонидан тегишли ҳужжатлар расмийлаштирилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг