Тошкент шаҳридаги таъмирланаётган бинода ёнғин чиқди
Ижтимоий тармоқларда Миробод туманида таъмирланаётган бинода ёнғин содир бўлгани ҳақидаги хабарлар тарқалди. Мазкур ҳолат юзасидан Фавқулодда вазиятлар вазирлиги маълумот берди.
Унда айтилишича, бугун, 13 июль куни соат 18:06 да Тошкент шаҳар Миробод туманида, Шайхун кўчасида таъмирланаётган бино ёниб кетган. Ушбу ҳолат юзасидан Тошкент шаҳар ФВБга амалий ёрдам зарурлиги тўғрисида мурожаат келиб тушган.
Мурожаатга асосан, ёнғин-қутқарув экипажлари воқеа жойига соат 18:11 да етиб бориб, соат 18:33 да ёнғин ўраб олинган ва соат 18:40 да тўлиқ ўчирилган.
«Ҳозирда ёнғин сабаби ва зарари аниқланмоқда. Ҳолат оқибатида тан жароҳати олганлар йўқ» — дейилади ФВВ хабарида.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг