«Терминатор» коронавирусга қарши эмланди
Aмерикалик актёр Aрнольд Шварценеггер коронавирус инфекциясига қарши эмланди. 20 январь куни актёр ўзининг Instagram саҳифасида шифокор унга вакцина юборган видеони жойлади. Бу ҳақда «Известия» телеканали хабар бермоқда.
Видео кадрларда актёр машинанинг йўловчилар ўриндиғида ўтиргани ва шифокор уни очиқ дераза орқали эмлагани тасвирланган. Шунингдек, видео лавҳада Шварценеггер ҳеч қачон навбат кутишдан бунчалик хурсанд бўлмаганини таъкидлади ва барчани ўзидан ўрнак олишга чақирди.
"Aгар яшашни истасангиз, мен билан бирга боринг!», деб эълон қилди у.
Бироқ, кўплаб ижтимоий тармоқ фойдаланувчилари актёрнинг мурожаатидан илҳомланмаган. Баъзилар эмлашлар кўчада амалга оширилаётганига ҳайрон бўлишди. Канадалик актёр Жесси Рат постга берган изоҳларида ҳазил қилиб, Калифорниянинг собиқ губернаторини Pfizenator деб номлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг