Юртимизда олиб борилаётган халқчил сиёсат, очиқлик ва ошкоралик тамойиллари изчил давом этмоқда. Сурхондарё вилоятида шаҳар ва туманлар ҳокимликлари ахборот хизмати раҳбарлари — давлат тили бўйича маслаҳатчиларга хизмат автомашиналари топширилди.

Мазкур ташаббус давлат органлари фаолиятининг шаффофлигини таъминлаш, аҳолига тезкор ва ишончли ахборот етказиш имкониятларини кенгайтиришга қаратилган. Ҳудудларда амалга оширилаётган ислоҳотлар, ижтимоий-иқтисодий лойиҳалар ва мурожаатлар ижроси юзасидан холис маълумот тайёрлашда моддий-техник имкониятлар муҳим аҳамият касб этади.

— Энди ҳудудлардаги жараёнларга жойида баҳо бериш, аҳоли билан юзма-юз мулоқот қилиш ва давлат органлари фаолияти ҳақида тезкор, аниқ маълумот тақдим этиш имкониятимиз янада кенгайди, — дейди Бойсун туман ҳокимлиги ахборот хизмати раҳбарлари Юнус Холиёров. — Яратилаётган шароитлар ишимиз самарадорлигини ошириб, очиқлик ва шаффофликни амалда таъминлашга хизмат қилади. Энг муҳими, бу қадамлар халқ билан яқин мулоқотни мустаҳкамлаб, ишонч ва ҳамжиҳатликни кучайтиради.

Фарҳод ЭСОНОВ, «Халқ сўзи».