Саноат маҳсулотлари ишлаб чиқаришда қайси ҳудуд етакчи?
2026 йилнинг январь-февраль ойларида Ўзбекистонда 175 трлн сўмлик саноат маҳсулотлари ишлаб чиқарилган. Бу ҳақида Миллий статистика қўмитаси маълумот берди.
Саноат маҳсулотлари ишлаб чиқариш ҳажми ҳудудлар кесимида тақсимланганда энг катта кўрсаткич, Навоий вилояти ҳиссасига тўғри келиб, ҳудудда 47,6 трлн сўмлик маҳсулот ишлаб чиқарилган. Ундан кейинги ўринларда Тошкент шаҳри 27,9 трлн сўмлик кўрсаткич билан иккинчи, 25,5 трлн сўмлик улуш билан Тошкент вилояти учинчи поғонада қайд этилган.
Шунингдек, Андижонда 14 трлн сўм, Самарқандда 9 трлн сўм, Бухорода 7,7 трлн сўмлик, Фарғонада 7,7 трлн сўмлик, Қашқадарёда 6,1 трлн сўмлик, Наманганда 5,6 трлн сўмлик, Жиззахда 5,2 трлн сўмлик, Хоразмда 4,8 трлн сўмлик, Қорақалпоғистон Республикасида 4,6 трлн сўмлик, Сирдарёда 4,5 трлн сўмлик ҳамда Сурхондарё вилоятида 2,2 трлн сўмлик саноат маҳсулотлари ишлаб чиқарилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг