Россиянинг Финляндиядаги консуллиги ҳудудига портловчи қурилма улоқтирилди
Фото: TTKK / Wikimedia
2023 йилнинг 30 апрелидан 1 майга ўтар кечаси Финляндиянинг Мариеҳамн шаҳридаги Россия консуллиги биносига босқинчилик ҳаракати содир этилган. Бу ҳақда Россия ТИВ расмий вакили Мария Захарова баёнот берди.
“Бир гуруҳ одамлар Россия ташқи миссияси ҳудудига портловчи шовқин мосламаси ва бошқа нарсаларни улоқтиришган”, — дейилади хабарда. Таъкидланишича, консуллик биносига моддий зарар етган ва ҳужумчиларнинг ҳаракатлари Россия миссияси ходимларининг ҳаёти ва соғлиғига бевосита таҳдид солган.
Ушбу воқеа муносабати билан Россиянинг Хельсинкидаги элчихонаси Финляндия ташқи ишлар вазирлигига нота юбориб, айбдорларни жавобгарликка тортиш чораларини кўришни талаб қилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг