Россиядан Ўзбекистонга 5 та махсус йўловчи поездлар қатнови йўлга қўйилади
Пандемия даврида Россияда қолиб кетган юртдошларимизга мамлакатимизга келишлари учун қулайлик яратиш мақсадида «Ўзбекистон темир йўллари» акциядорлик жамияти томонидан «Волжский — Тошкент» йўналишида 483-сонли йўловчи поездининг 5 та махсус рейси йўлга қўйилади.
Бу ҳақда “Oʼztemiryoʼlyoʼlovchi” АЖ матбуот хизмати маълум қилди.
Хабарда айтилишича, мазкур поездлар 2021 йил 15, 19, 22, 26,29 ноябрь кунлари соат 20:57 да «Волжский — Тошкент» йўналишида ҳаракатини амалга оширади.
Мазкур поездларга фақат бир томонга, яъни «Волжский — Тошкент» йўналишига чипталар сотилади. Чипталарни электрон тарзда ҳам сотиш йўлга қўйилган.
Россиядаги юртдошларимизнинг яқинлари Ўзбекистонда туриб, уларнинг шахсини тасдиқловчи ҳужжати нусхаси билан «Ўзбекистон темир йўллари» акциядорлик жамияти веб-сайти орқали е-ticket.railway.uz сайтидан чипталарни электрон тарзда харид қилиб олиб, жўнатишлари ҳам мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг