Россияда коронавирусдан ўлим бўйича рекорд қайд этилди
Фото: РИА Новости
Ўтган кун давомида Россияда коронавирус билан касалланган 780 нафар бемор вафот этган ва бу пандемия бошидан бери қайд этилган рекорд кўрсаткич ҳисобланади. Бир кун олдин ушбу кўрсаткич 722 нафарни ташкил этган эди.
Ушбу маълумотлар "COVID-19"га қарши кураш бўйича тезкор штаб томонидан эълон қилинди.
Ўтган кун давомида мамлакатда 24 702 кишида коронавирус инфекцияси аниқланган. Ушбу беморларнинг 11,7 фоизида касалликнинг клиник кўринишлари кузатилмаган.
Пандемия бошидан буён Россияда "COVID-19" билан 5 833 175 киши зарарланган. Шундан 144 492 нафари касаллик асоратлари оқибатида ҳаётдан кўз юмган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг