Новосибирск вилоят суди 2019 йилда Новосибирск вилоятида хитойлик ишчиларга ҳужум қилиб, уларни тўнаган бир гуруҳ ўзбекистонлик жиноятчилар ишига нуқта қўйди. Бу ҳақда «Сиб.фм» хабар берди.

Маълумотларга кўра, ўзбекистонлик муҳожирлар биринчи ҳужумни 2019 йил июль ойида уюштирган. Улар хитойлик ишчиларнинг турар-жой биносига бостириб кириб, икки кишини калтаклаган ва 600 минг рубль, иккита иПҳоне, иккита тилла занжир олиб кетган.

Бир ой ўтгач, ўғирликнинг икки аъзоси яна ўғирлик қилишга борган. Бу сафар ҳужум қурбонлари жиноятчиларга қаттиқ қаршилик кўрсатган. Оқибатда хитойлик ишчилардан бири воқеа жойида ҳалок бўлган. Ўғрилар 2-ўғирлик натижасида 400 минг рублни қўлга киритган.

Умумий келтирилган зарар 1,2 млн. рубль деб баҳоланган.

Талончиликда гумон қилинган шахслар 2019 йил октабр ойида қўлга олинган. Улар 22 ёшдан 32 ёшгача бўлган Ўзбекистон фуқаролари эканлиги аниқланган. Новосибирск вилоят суди уларни айбдор деб топиб, ҳужум иштирокчилари бўлган 5 кишини 8-9 йил муддатга қамоқ жазосига ҳукм қилди. Хитойлик ишчини ўлдирган шахс эса 16 йилга озодликдан маҳрум этилди.