Россия 2024 йилнинг 1 мартидан олти ойга бензин экспортини тақиқламоқда
Архив сурат
Мавсумий талабнинг ошиши фонида бензин экспортини вақтинчалик тақиқлаш 2024 йилнинг 1 мартидан кучга киради. Бу таклиф Россия бош вазири Михаил Мишустин томонидан маъқулланган.
Вақтинчалик экспорт тақиқи ЕОИИ мамлакатлари, Мўғулистон, Ўзбекистон, Абхазия ва Жанубий Осетияга келишилган етказиб бериш ҳажмларига тааллуқли эмас.
Бош вазир ўринбосари Александр Новак бош вазирга бензин экспортига вақтинчалик тақиқ жорий этиш таклифи билан мурожаат қилган.
Унинг шу йилнинг 21 февралда йўллаган мактубида тез орада ички бозорда ёқилғига талаб ортиб бораётган мавсум бошланишини, бу баҳорги дала ишлари, нефтни қайта ишлаш заводларида режалаштирилган таъмирлаш ишлари, шунингдек, ёзги таътиллар билан боғлиқлиги қайд этилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг