Қашқадарёда «Nexia» ҳамда «Captiva» тўқнашиб кетди
Қарши тумани Мустақиллик маҳалла фуқаролар йиғинига қарашли Сайлов қишлоқ ҳудудида «Nexia» ҳамда «Captiva» иштирокида йўл транспорт ҳодисаси юз берган.
Ҳодиса 2021 йилнинг 14 октябрь санасида содир бўлган. Дастлабки суриштирув натижаларига кўра, воқеага «Nexia» автомобилининг аҳоли яшайдиган ҳудудда юқори тезликда ҳаракатланганлиги сабаб бўлган. «Nexia» олдидаги автомашинани қувиб ўтмоқчи бўлган ва қарама-қарши томондан келаётган «Captiva» билан тўқнашиб кетган.
Ҳодиса оқибатида ҳар иккала автомобиль ҳайдовчилари воқеа жойида вафот этган.
Ҳолат юзасидан Қарши туман ИИБ тергов бўлими томонидан дастлабки тергов ҳаракатлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг