Қашқадарёда «Аёллар дафтари»дагиларнинг муаммоси «ижобий ҳал этилди» деб ёпиб юборилган
Қашқадарёда жорий йил 1 ноябрь куни Маҳалла ва оилани қўллаб-қувватлаш бошқармаси томонидан тақдим этилган электрон маълумотлар билан Марказий банкнинг электрон базаси солиштирилганида кредитлар “ижобий ҳал этилди” деб кўрсатилган 1 340 нафар аёлларга тафовутлар аниқланган.
Танланма йўл билан 250 нафар аёлларга телефон орқали боғланиб гаплашилганида, 63 та ҳолатда кредит олиш учун мурожаат қилмаганликлари маълум бўлди. Қарши тумани 1-сектордаги Ш.Рухутдинова, Қамаши тумани 2-сектор ҳудудидаги М.Бободўстовалар кредит олиш учун мурожаат қилмаган бўлсаларда, Маҳалла ва оилани қўллаб-қувватлаш бошқармаси томонидан тақдим этилган электрон маълумотда “ижобий ҳал этилди” деб кўрсатилган.
Мутахассислар билан аниқланган ҳолатларни муҳокама қилиш жараёнида “э биз билмабмиз, эски маълумот бериб юборибмиз” деган важ ва ҳар хил баҳоналар келтирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг