Партия Германияни Европа Иттифоқидан чиқишга чақирмоқда
«Германия учун альтернатив» партияси делегатлари Дрезден шаҳрида ўтказилган конгресс пайтида мамлакатни Европа Иттифоқидан чиқишга чақирган. Бу ҳақда “DPA” агентлиги хабар бермоқда.
«Бизнинг фикримизча, Германия, албатта, Европа Иттифоқидан чиқиши керак ва умумий манфаатларни кўзлаб янги Европа иқтисодий ҳамжамиятини яратиш керак», дейилади конгресс қарорида. “Dexit” дея номланган ушбу қарор 550 нафар делегат қўллаб-қувватлаган.
Партиянинг ҳамраиси Йорг Мойтен эса ушбу позицияга қарши чиққан.
Бундан ташқари, бошқа партиялар вакиллари ҳам ушбу баёнотни танқид қилдилар. Хусусан, «Эркин демократик партия»дан Бундестаг депутати Александр Ламбсдорфф «Германия учун альтернатив»ни «аҳмоқона миллатчиликда» айблади. Унинг фикрига кўра, Германиянинг ЕИдан чиқиши Европа Иттифоқи ва ички бозор учун охири бўлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг