Ўзбекистонга яна 200 минг доза янги турдаги вакцина келтирилди
Фото: ССВ
Юртимизда коронавируcга қарши қўлланилаётган вакциналар тури еттитага етди. Яъни бугун Россиядан мамлакатимизга 200 000 доза Sputnik Light вакцинаси келтирилди.
Sputnik Light бир компонентли вакцина бўлиб, у билан тўлиқ эмланиш учун бир дозасини олиш кифоя. Эслатиб ўтамиз, юртимизга аввалроқ ушбу вакцинанинг 7 500 дозаси олиб келинган эди.
Шундай қилиб, Ўзбекистонда фойдаланилаётган вакцина 48 036 368 дозани ташкил қилмоқда.
Улардан:
— 2 404 480 дозаси AstraZeneca;
— 36 789 938 дозаси ZF-UZ-VAC2001;
— 1 341 790 дозаси "Sputnik V";
— 3 000 060 дозаси Moderna;
— 2 316 600 дозаси Pfizer/BioNTech;
— 1 976 000 дозаси Sinovac;
— 207 500 дозаси Sputnik Light вакцинасидир.
Шундан 35 610 274 дозаси эмлаш жараёнларида қўлланилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг