Ўзбекистон ва Япония U-20 терма жамоалари ўртоқлик ўйини ўтказди
Кеча, 25 март куни Ўзбекистон миллий футбол марказидаги “Дўстлик“ стадионида Ўзбекистон U-20 терма жамоаси Япония U-20 терма жамоасига қарши ўртоқлик ўйини ўтказди.
Мазкур баҳсни Ўзбекистон миллий терма жамоаси бош мураббийи Фабио Каннаваро бевосита стадиондан томоша қилди.
Учрашув 1:0 ҳисобида Япония U-20 терма жамоасининг ғалабаси билан якунланди. Ўйинда киритилган ягона голга Каташи Юной муаллифлик қилди.
Маълумот учун, Ўзбекистон U-20 терма жамоаси 30 март санасида яна бир бор Япония U-20 терма жамоаси билан ўйин ўтказади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг