Ўзбекистон компаниялари акциялари илк бор жаҳон акциялар бозорига чиқарилмоқда
Ўзбекистон тарихида илк бор миллий компаниялар акциялари жаҳон акциялар бозорига чиқарилмоқда. Бу ҳақда Президент Администрацияси раҳбари Саида Мирзиёева маълум қилди.
Қайд этилишича, Миллий инвестиция фонди Ўзбекистон компаниялари акцияларини бир вақтнинг ўзида иккита майдонда — нуфузли Лондон биржаси ва Тошкент биржасида савдога қўяди. Бу Президент Шавкат Мирзиёев томонидан танлаган очиқлик йўли натижаси экани айтилди.
Билдирилишича, IPO жараёнига тайёргарлик кўриш ва уни мувофиқлаштиришни Ўзбекистонда ишлаш лицензиясига эга бўлган «Franklin Templeton» халқаро инвестиция компанияси амалга оширмоқда.
«Ушбу қадам — хорижий инвесторлар учун аниқ ва кучли ишора. Бу билан биз глобал қоидалар асосида — ҳалол ва шаффоф ишлашга тайёр эканимизни намоён этмоқдамиз», деб ёзади Саида Мирзиёева.
Президент Администрацияси раҳбари, шунингдек, Ўзбекистон иқтисодиёти мутлақо янги, замонавий тараққиёт босқичига ўтаётганини таъкидлаган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг