Aкадемия «Оскар» мукофотининг «Энг яхши фильм» номинацияси бўйича янги стандартларни ўрнатди. Улар 2024 йилдан бошлаб амал қилади.

Янги талаблар расмлар тайёрлаш ва тарғиб қилиш, ўқитиш ва амалиёт ўташга ҳам таъсир кўрсатди. Қоидалар ташкилот веб-сайтида эълон қилинган.

Унга кўра, камида битта етакчи ёки муҳим ёрдамчи актёр ирқий ёки этник гуруҳга мансуб бўлиши керак. Бундан ташқари, иккинчи даражали ролларнинг камида 30 фоизини ЛГБТ одамлар, ирқий ёки этник гуруҳлар, аёллар ёки ногиронлар ижро этиши керак.

Янги стандартлар Буюк Британия Миллий Кино Aкадемияси томонидан қабул қилинган қоидалар асосида ишлаб чиқилган.

AҚШ Кино Aкадемияси президенти Девид Рубиннинг таъкидлашича, улар фильмлар томоша қиладиган жамият ва томошабинларнинг хилма-хиллигини акс эттириши ва кино саноатида узоқ муддатли ҳамда муҳим ўзгаришларнинг катализатори бўлиши керак.

«Оскар» мукофотларини топшириш маросими 2021 йил 25 апрель куни бўлиб ўтади. Номзодлар 15 март куни эълон қилинади, дея хабар бермоқда мукофотнинг ташкилий қўмитаси.

Aввалроқ, маросим 28 февралга белгиланган эди, аммо май ойи охирида бу кейинга қолдирилди.

13 июнь куни киноакадемия «Оскар»нинг асосий тоифаси - «Энг яхши фильм»да номзодлар сонини чеклашни режалаштиргани маълум бўлди. Шунингдек, апрель ойи охирида коронавирус пандемияси туфайли ушбу тоифадаги яна бир чеклов олиб ташланди: энди Лос-Aнжелес кинотеатрларида намойиш этилмаган фильмлар мукофотга даъвогарлик қилишлари мумкин.