Akademiya “Oskar” mukofotining “Eng yaxshi film” nominatsiyasi boʻyicha yangi standartlarni oʻrnatdi. Ular 2024-yildan boshlab amal qiladi.

Yangi talablar rasmlar tayyorlash va targʻib qilish, oʻqitish va amaliyot oʻtashga ham taʼsir koʻrsatdi. Qoidalar tashkilot veb-saytida eʼlon qilingan.

Unga koʻra, kamida bitta yetakchi yoki muhim yordamchi aktyor irqiy yoki etnik guruhga mansub boʻlishi kerak. Bundan tashqari, ikkinchi darajali rollarning kamida 30 foizini LGBT odamlar, irqiy yoki etnik guruhlar, ayollar yoki nogironlar ijro etishi kerak.

Yangi standartlar Buyuk Britaniya Milliy Kino Akademiyasi tomonidan qabul qilingan qoidalar asosida ishlab chiqilgan.

AQSH Kino Akademiyasi prezidenti Devid Rubinning taʼkidlashicha, ular filmlar tomosha qiladigan jamiyat va tomoshabinlarning xilma-xilligini aks ettirishi va kino sanoatida uzoq muddatli hamda muhim oʻzgarishlarning katalizatori boʻlishi kerak.

“Oskar” mukofotlarini topshirish marosimi 2021-yil 25-aprel kuni boʻlib oʻtadi. Nomzodlar 15-mart kuni eʼlon qilinadi, deya xabar bermoqda mukofotning tashkiliy qoʻmitasi.

Avvalroq, marosim 28-fevralga belgilangan edi, ammo may oyi oxirida bu keyinga qoldirildi.

13-iyun kuni kinoakademiya “Oskar”ning asosiy toifasi - “Eng yaxshi film”da nomzodlar sonini cheklashni rejalashtirgani maʼlum boʻldi. Shuningdek, aprel oyi oxirida koronavirus pandemiyasi tufayli ushbu toifadagi yana bir cheklov olib tashlandi: endi Los-Anjeles kinoteatrlarida namoyish etilmagan filmlar mukofotga daʼvogarlik qilishlari mumkin.