Оқ уй Путин ва Байденнинг қачон учрашиши мумкинлигига ойдинлик киритди
Оқ уй матбуот котиби Жен Псаки Россия президенти Владимир Путин ва АҚШ раҳбари Жо Байден ўртасидаги учрашувнинг вақти ҳақида саволга жавоб берди.
Псакининг айтишича, ҳозирча учрашувни тасдиқланган тафсилотлари, шу жумладан уни ўтказиш мумкин бўлган сана аниқ эмас.
«Бизда баъзи тафсилотлар маълум бўлса, улар ҳақида маълум қиламиз», деган Оқ уй вакили.
Aввалроқ Путиннинг ёрдамчиси Юрий Ушаков Россия ва AҚШ президентларининг учрашуви шу йилнинг июнь ойида бўлиб ўтиши мумкинлигини айтган эди.
Унинг сўзларига кўра, мамлакатлар ўртасида учрашувни ўтказилишининг аниқ саналари тўғрисида дастлабки келишувлар мавжуд.
Жорий йилнинг 13 апрель куни Байден Путин билан телефон орқали суҳбат чоғида Россия раҳбарини бетараф мамлакатда икки томонлама саммит ўтказишга чақирган эди. Кейин Жен Псаки президентлар ёзда учрашиши мумкинлигини айтганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг