Оқ уй АҚШ шатдаунга тайёргарлик кўриш зарурлигини эълон қилди
Фото: Reuters
Оқ уй АҚШнинг бир қатор департаментларини шатдаунга тайёр бўлиш зарурлиги ҳақида хабардор қилган. Бу ҳақда “Bloomberg” хабар бермоқда. Агентлик огоҳлантириш сабаби сифатида республикачиларнинг сарф-харажатлар бўйича бўлинишини кўрсатмоқда.
Америка Қўшма Штатлари Бошқарув ва Бюджет бошқармаси, агар ҳукумат молиялашда танаффус бўлса, идоралар қандай ҳаракат қилишлари ҳақида режалар тузишни тавсия қилди, дейилади хабарда.
Қўшма Штатлардаги шатдаун — бу АҚШ Конгресси давлат идоралари фаолиятини молиялаштириш бўйича келиша олмаганида юзага келадиган вазият. Давлат хизматчилари ҳақ тўланмайдиган таътилга чиқишади.
Буни Оқ уй матбуот котиби Карине Жан-Пер ҳам тасдиқлаб, Қўшма Штатлар яна шатдаунга дуч келганини айтди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг