«Омикрон» хавфи — Лондонда фавқулодда ҳолат эълон қилинди
Фото: AP
Буюк Британия пойтахти Лондон шаҳри мери Содиқ Хон шаҳарда фавқулодда ҳолат эълон қилди. Бунга яқин келажакда шаҳар касалхоналарини «COVID-19» беморлари билан тўлиб кетиш хавфи юзага келгани сабаб бўлган. Қайд этилишича, ҳозирда шаҳарда коронавируснинг янги штамми «Омикрон» билан зарарланиш ҳолатлари кўпайиб бормоқда.
«Мутахассислар билан маслаҳатлашганимдан сўнг, мен бугун шаҳарда фавқулодда ҳолат эълон қилишга қарор қилдим», деди Хон.
Унинг таъкидлашича, Буюк Британия пойтахтида сўнгги кунларда коронавирус билан касалланганлар сони кўпайган.
Шу фонда Лондондаги парламент майдонида коронавирус чекловларига қарши норозилик намойишлари бўлиб ўтмоқда. Намойишчилар эмлаш паспортларини ва жамоат жойларида мажбурий ниқоб тақишни бекор қилишни талаб қилмоқда.
Буюк Британия бош санитар шифокори, профессор Крис Уитти «Омикрон» штамми тез тарқалиш чўққисига чиқишини, кейин тез пасайишини айтган эди.
Олдинроқ, Буюк Британия олимлари «Омикрон» штаммининг ноодатий аломатларини аниқлагани ҳақида хабар берган эдик.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг