Олимпиададаги бир боксчимизни йўқотдик. Сабина Бобоқулова таиландлик боксчига имкониятни бой берди
Франция пойтахтида ўтказилаётган ёзги Олимпиада ўйинларида ўзбек спортчилари ўз юришларини давом эттирмоқда.
Бокс бўйича Ўзбекистон терма жамоаси аъзоси Сабина Бобоқулова «Париж-2024» ёзги Олимпиада ўйинларидаги иштирокини бошлади.
Ҳамюртимиз -50 кг вазн тоифасида таиландлик 31 ёшли Чутамат Раксат билан қийин баҳс ўтказди. Биринчи раундда 5:0, иккинчи раундда 4:1 ва учинчи раундда ҳам 5:0 ҳисобида мағлуб бўлди.
Шу тариқа, Сабина Бобоқулова ўзининг биринчи Олимпиадасида ўзидан 10 ёшга катта тажрибали спортчига бой бериб тарк этадиган бўлди.
Аввалроқ, ўзбекистонлик эшкак эшувчи олимпиада финалига йўл олишда 5 секунд кечга қолиб мағлуб бўлганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг